Xaridorlar uchun
Mahsulotlarni kim sotadi?
OmadSavdo.uz — marketpleys: mahsulotlarni ro‘yxatdan o‘tgan turli do‘konlar va tadbirkorlar sotadi. Har bir mahsulot sahifasida sotuvchi do‘kon ko‘rsatilgan, uning sahifasida do‘kon haqida ma’lumot bor.
Buyurtmani qanday beraman?
Mahsulotni savatga qo‘shing, “Buyurtmani rasmiylashtirish” tugmasini bosing, ism, telefon va manzilni kiriting. Sotuvchi yoki operator buyurtmani tasdiqlash uchun bog‘lanadi.
Ro‘yxatdan o‘tish shartmi?
Ro‘yxatdan o‘tsangiz, buyurtmalaringiz tarixi, sevimlilar va sotuvchilar bilan yozishmalar kabinetingizda saqlanadi. Telefon raqam bilan bir daqiqada ro‘yxatdan o‘tish mumkin.
Yetkazib berish qancha turadi va qancha vaqt oladi?
Toshkentda odatda 1–2 kun, viloyatlarga 2–5 ish kuni. Narx va muddat savatda ko‘rsatiladi. Batafsil — Yetkazib berish va to‘lov.
Turli do‘konlardan buyurtma bersam nima bo‘ladi?
Buyurtma do‘konlar bo‘yicha qismlarga bo‘linadi va har bir do‘kon o‘z qismini alohida jo‘natadi. Barcha qismlarni “Buyurtmalarim” bo‘limida kuzatasiz.
Qanday to‘lash mumkin?
Yetkazganda naqd yoki karta bilan, shuningdek onlayn to‘lov ulanganida — Click, Payme yoki bank kartasi orqali.
Tovarni qaytarsa bo‘ladimi?
Ha. Sifatli tovar — qabul qilgandan keyingi 10 kun ichida (ayrim tovarlardan tashqari), nuqsonli tovar — kafolat muddatida. Batafsil — Qaytarish va almashtirish.
Rasm orqali qidiruv qanday ishlaydi?
Qidiruv maydonidagi kamera belgisini bosing va mahsulotni suratga oling yoki rasm yuklang. Sayt o‘xshash mahsulotlarni ko‘rsatadi. Rasm qurilmangizda tahlil qilinadi va serverga yuborilmaydi.
Sotuvchi javob bermasa yoki muammo chiqsa-chi?
Aloqa sahifasi orqali bizga yozing — platforma sotuvchi bilan bog‘lanib, masalani hal qilishga yordam beradi.
Sotuvchilar uchun
Qanday qilib sotuvchi bo‘laman?
Sotuvchi bo‘lish sahifasida ro‘yxatdan o‘ting, do‘kon ma’lumotlari va to‘lov rekvizitlarini kiriting. Do‘kon ochish bepul.
Komissiya qancha?
Komissiya mahsulot narxiga qarab 15% dan 2% gacha: arzon mahsulotda yuqoriroq, qimmatida pastroq. Aniq foiz mahsulot qo‘shayotganda ko‘rinadi. Boshqa yashirin to‘lov yo‘q.
Pulimni qachon va qanday olaman?
Buyurtma bajarilgandan so‘ng daromad balansingizga tushadi. Sotuvchi panelidagi “Pul yechish” bo‘limidan so‘rov yuborasiz, pul karta yoki hisob raqamingizga o‘tkaziladi.
Qanday hujjatlar kerak?
Doimiy savdo uchun YTT, MChJ yoki “o‘zini o‘zi band qilgan” maqomi tavsiya etiladi. STIR yoki JSHSHIR va guvohnoma nusxasini to‘lov sozlamalarida yuklaysiz. Batafsil — Sotuvchilar bilan shartnoma.